Clocard-A

Clocard-A

Clopidogrel Bisulfat USP (Clopidogrel 75 mg ekvivalent) and Aspirin 75 mg

1 tabletin tərkibində 75 mq klopidoqrel (hidrogen sulfat şəklində), 75 mq asetilsalisil turşusu vardır.

Clocard-A Tablet metabolitlərindən biri, trombositlərin aqreqasiyasını inhibə edən dərman preparatıdır. Klopidoqrel trombosit aqreqasiyasını inhibə edəcək metabolitlərin yaranması üçün CYP₄₅₀ fermentləri tərəfindən metabolizə uğramalıdır. Klopidoqrelin aktiv metaboliti, adenozin difosfatın (ADF) P2Y12 trombosit reseptoruna bağlanmasını və ardınca ADF vasitəçiliyi ilə glikoprotein (GPIIb/IIIa) kompleksinin aktivləşməsini seçici olaraq inhibə edir. Beləliklə də, trombositlərin aqreqasiyasının qarşısını alır.

Geri dönməyən bağlanmaya məruz qalan trombositlər ömürlərinin qalan hissəsində (təxminən 7-10 gün) də bundan təsirlənir və normal trombosit funksiyasının bərpası trombosit dövriyyəsinə uyğun sürətlə baş verir. ADF-dən əlavə digər aqonistlər tərəfindən induksiya edilən trombositlərin aqreqasiyası da sərbəst buraxılmış ADF tərəfindən trombositlərin aktivasiyasının böyüməsinə mane olmaqla qarşısı alınır.

Aktiv metabolitlər, bəziləri polimorfik olan və ya digər preparatlar tərəfindən ihibisiyaya məruz qalan CYP₄₅₀ fermentləri tərəfindən formalaşdırıldığına görə bütün xəstələrdə kifayət qədər trombosit inhibisiyası olmayacaq.

Asetilsalisil turşusu prostoqlandin siklooksigenazanı geri dönməz şəkildə ihibisiya edir və bununla da trombositlərin birləşməsini və vazokonstruksiyanı induksiya edən tromboksan A2-ni inhibə etməklə trombositlərin aqreqasiyasının qarşısını alır.

Buraxılış forması

10 tablet, blisterdə. 3 blister, içlik vərəqə ilə birlikdə karton qutuya qablaşdırılır.